Новости

У Дзяржаўным музеі гісторыі беларускай літаратуры прайшла літаратурна-музычная імпрэза "Родная мова ў марах, у песнях, у снах…", прысвечаная Міжнароднаму дню роднай мовы.

На імпрэзе гучалі вершы беларускіх паэтаў і народныя песні ў выкананні навучэнцаў Мінскага дзяржаўнага аўтамеханічнага каледжа імя акадэміка М. С. Высоцкага, студэнтаў творчага саюза БДУ і творчых калектываў БДУІР.

Удзельнікі паэтычнага тэатра "Рытмы сэрца" Валерыя Гаўрыленка і Іван Самусёў чыталі вершы Уладзіміра Караткевіча і Навума Гальпяровіча. Салістка вакальнай студыі "Шанс" Таццяна Касцюкевіч выступіла з песняй "Рэчанька".

Усе прысутныя з задавальненнем паслухалі вершы выбітных беларускіх пісьменнікаў, беларускія народныя песні і атрымалі асалоду ад мілагучнасці і прыгажосці роднай мовы.