Новости
21.09.2022
Спартыўны пачатак навучальнага года ў БДУІР: студэнты сталі прызёрамі рэспубліканскіх спаборніцтваў
У верасні студэнты БДУІР удзельнічалі ў Рэспубліканскім турніры па пляжным валейболе і ў анлайн-турніры па шахматах, арганізаваным Моладзевай палатай пры Парламенцкім Сходзе Саюза Беларусі і Расіі.
На спаборніцтвы па валейболе каманда БДУІР у складзе дзвюх дзяўчат і двух хлопцаў адправілася ў Гомель. Гульні праходзілі з 15 па 18 верасня. На турніры былі прадстаўлены мужчынскія і жаночыя каманды ад 24 ВНУ Беларусі. Студэнткі БДУІР Лія Галавач і Крысціна Кузьміна не саступалі суперніцам да апошняга, але да перамогі дзяўчатам крыху не хапіла: яны занялі II месца. Хлопцы Арсеній Котаў і Дзмітрый Абраменка дзякуючы сваім намаганням таксама трапілі на II пазіцыю ў турнірнай табліцы. |
|
|
19 верасня прайшоў анлайн-турнір па шахматах, у якім узялі ўдзел 266 чалавек - прадстаўнікі 47 ВНУ Беларусі і Расіі. Студэнты БДУІР Юлія Краўчанка і Віталій Лапусь у камандным заліку занялі II месца. На I месцы таксама апынуліся беларусы - студэнты БДУФК.
У асабістым заліку сярод дзяўчат Юлія Краўчанка паказала выдатны вынік - III месца. Студэнты прыкладаюць вялікія намаганні, каб з годнасцю прадстаўляць БДУІР на рэспубліканскім і міжнародным узроўнях. Заўзеем за нашых маладых спартсменаў і жадаем ім новых перамог. |
|
|
Падрыхтавана прэс-службай БДУІР Фота ад Спартовага клуба БДУІР
|